ഒരുപാടു കാലമായി ആഗ്രഹിക്കുന്നതാണ് അവരെ കുറിച്ചൊക്കെ എഴുതാൻ….
ആരൊക്കെയോ ചേർന്നു വിഷകന്യകയാക്കിയ ഒരു പെണ്ണിനെ കുറിച്ചും അവൾ കണ്ടിട്ടുള്ള, അറിഞ്ഞിട്ടുള്ള , അനുഭവിച്ചിട്ടുള്ള ഒരുപാടൊരുപാടു നന്മ മരങ്ങളെക്കുറിച്ചുമൊക്കെ…
ഇതൊരു കഥയാണൊ എന്നറിയില്ല…ഉള്ളിലെ മയിൽ പീലി കൂട്ടത്തിന്റെ ശബ്ദമാവാം…
കൊച്ചു കൊച്ചു സന്തോഷങ്ങൾ പോലും ആഘോഷമാക്കുന്ന , പാട്ടുകേട്ടാൽ കരയുന്ന ,സ്നേഹിക്കാനും സ്നേഹിക്കപ്പെടാനും കൊതിക്കുന്ന ഒരു വട്ടുകേസിന്റെ കുറെ ഭ്രാന്തുകളിൽ ഒരു ഭ്രാന്താവാം…
പക്ഷെ വരികൾക്കിടയിൽ എവിടെയെങ്കിലും കുറച്ചു കാര്യമുണ്ടാവും… കുറേ മണ്ടത്തരവും…..
എത്രത്തോളം അതു വായിക്കുന്നവരിലേയ്ക്ക് എത്തിയ്ക്കാനാവുമെന്നറിയില്ല…എന്നാലും ശ്രമിക്കാം…
അപ്പുവിനെ കുറിച്ചുതന്നെ ആയിക്കോട്ടെ ആദ്യം……
ഓർമ്മയിൽ അപ്പുവെന്നാൽ ആദ്യത്തെ ചിത്രം ഒരു ചിരിയാണ്…
കയ്യിൽ സ്ക്കൂൾ മുറ്റത്തുനിന്നും പ്യൂൺ കുട്ടേട്ടന്റെ കണ്ണിൽ പെടാതെ എങ്ങിനെയോ പൊട്ടിച്ചെടുത്ത ഒരു കുല റോസ് നിറത്തിലുള്ള കടലാസ്പൂക്കൾക്കിടയിൽ മറ്റൊരു പൂവായി ചിരിക്കുന്ന അപ്പു…..
എല്ലാവരും സ്ലേറ്റിൽ വച്ചുരയ്ക്കുന്ന പച്ചാതണ്ടിനെ അദ്ഭുതത്തോടു കൂടി നോക്കി നിൽക്കുന്ന അഞ്ചു വയസ്സുകാരിയോട് സ്വകാര്യത്തിൽ, എന്നൽ ഒരൽപ്പം ഗൌരവത്തോടുകൂടി തന്നെ,“ മണ്ടൂസ് ലുട്ടാപ്പി, അതു മഷിതണ്ടാണ്” എന്നു പറയുന്ന അപ്പു…
അമ്പലത്തിലെ പാൽ പായസം കിട്ടാൻ വേണ്ടി വടക്കേലെ പറമ്ബിൽ നിന്നും കിട്ടിയ മഞ്ചാടിക്കുരുവെല്ലാം അമ്മൂന് കൊണ്ടുത്തരുന്ന അപ്പു…
നടക്കുംബൊഴെല്ലാം തട്ടി തട്ടി വീണിരുന്ന കളികൂട്ടുകാരിയൂടെ കാലിൽ കമ്മ്യുണിസ്റ്റ് പച്ചായുടെ നീരൊഴിച്ച്, നീറി അവൾ കരഞ്ഞപ്പോൾ അവളേക്കാൾ ഉച്ചത്തിൽ കരഞ്ഞിരുന്ന അപ്പു...
ഒടുവിൽ ഒരു വൈകുന്നേരം കണ്ണുപൊത്തികളിക്കിടയിൽ ദൂരേയ്ക്കു ദൂരേയ്ക്കു മാഞ്ഞുപോയ അപ്പു…..
പോയപ്പോൾ കൂടെ കൊണ്ടുപോയത് ഒരു ബാല്യത്തിന്റെ മുഴുവൻ കൌതുകമാണ്.. ഒരുപാടുപേരുടെ ഇനിയും തോരാത്ത കണ്ണീരാണ്…
ഏറ്റവുമൊടുവിൽ ആരും ശ്രദ്ധിക്കാതെ പോയ ഒരു ബാല്യകാലസഖിയുടെ ആദ്യത്തെ താങ്ങും…..
നീ അറിയുന്നുണ്ടോ അപ്പു…? നിന്റെ മണ്ടൂസ് ലുട്ടാപ്പി എപ്പോഴോ വിഷകന്യകയായത്……
അവളെ വച്ചു നടത്തിയ ചൂതുകളികളിൽ ആനയും കുതിരയും ഏറ്റുമുട്ടിയത്….
അവൾക്കു ചുറ്റും ഈയ്യാംപാറ്റകളായി മനുഷ്യർ ചത്തൊടുങ്ങിയത്….
വരില്ലെന്നെല്ലാരും പറയുംബോഴും അറിയാം…….എത്ര യുഗങ്ങൾക്കപ്പുറത്തായാലും തിരിച്ചു വരാതിരിക്കാനാവില്ല നിനക്ക്…
നീ വരും…...അമ്മുവിന് മാത്രം കേൾക്കാനാവുന്ന മഴ പെയ്യിക്കുന്ന ഒരു രാഗമായി……..
Subscribe to:
Post Comments (Atom)
nannayittundu divya...iniyum dharalam ezhuthanam..enganeyaanu appu manjupoyathennu parayayirunnu..
ReplyDeleteസത്യം ദിവ്യ
ReplyDeleteഈ വരികളിലൂടെ
ഞാനൊന്നു കണ്ണോടിച്ചു
അറിയാതെ മനസ്സെവിടെയോ ഒന്നുടക്കി
ഇതൊരു പെണ്ണിന്റെ..പോട്ടത്തരങ്ങളല്ല......
മറിച്ച്..മനസ്സില് ഒരായിരം പ്രാവശ്യം എഴുതി മായ്ച്ച
വാക്കുകളുടെ ഒരു വര്ണശേഖരം...ഇഷ്ടായി ആമുഖം തന്നെ
ഞാനിനിയും വരും ഈ കൂട്ടുകാരിയുടെ വിശേഷങ്ങള് അറിയാന്
pranayam bhraanthu aanu.. muzhu bhraanthu... ee bhraanthillaayirunnenkil lokam oru shavapparambaayi maariyene....
ReplyDeleteenikkishtappettu marumole...
മനസ്സൊന്നു പിടഞ്ഞടൊ....
ReplyDeleteകഥയും കവിതയായി മാറിയെന്നു തോന്നുന്നു...
Appuvinte ormmakku...!
ReplyDeleteManoharam, Ashamsakal...!!!
ഭാവുകങ്ങള്...
ReplyDeleteI don't really appreciate for a sake of encouragement but better if you could scribble on a paper and upload it as a JPEG file, if you are really having hard time with Malayalam fonts. You could also look into some better web templates to present your web pages that can create more nostalgic feelings.
ReplyDelete"ഉള്ളിലെ മയിൽ പീലി കൂട്ടത്തിന്റെ ശബ്ദമാവാം…" , I feel mayil peeli represents tranquillity, why ശബ്ദമാവാം ??? I wish if it could be "thalodalaakaam" in a way of intelligent writing, but since creativity doesn't have boundaries, it is my own perception ONLY.
Late Girish Puthancheri said in his song "Pinneyum pinneyum aro nilavathu pon venu
Oothunnu mridhu mandranam" , pls note the word he used "mridhu mandranam". (suitablity of word, adopting the situation).
Not ready to comment on every lines. However, good attempt, write more please.